“Amir Temur adolat va tartib ramzi” mavzusida davra suhbati tashkil etildi.

---

    Joriy yilning 8-aprel kuni Sharof Rashidov tumani axborot-kutubxona markazi xodimlari tumandagi Yoshlar kutubxonasida kitobxonlar bilan birgalikda buyuk sarkarda va davlat arbobi, Sohibqiron Amir Temur hayoti hamda faoliyatiga bag‘ishlangan “Amir Temur adolat va tartib ramzi” mavzusida davra suhbati tashkil etildi.Suhbat davomida ishtirokchilarga Amir Temurning davlat boshqaruvidagi adolat tamoyillari, qonun ustuvorligiga bergan yuksak e’tibori hamda jamiyatda tartib-intizomni mustahkamlash yo‘lidagi xizmatlari haqida batafsil ma’lumot berildi. Ayniqsa, Sohibqironning mashhur Temur tuzuklari asarida ilgari surilgan boshqaruv, halollik va mas’uliyat haqidagi fikrlar bugungi kunda ham o‘z ahamiyatini yo‘qotmaganligi ta’kidlandi.
Suhbat yakunida  buyuk ajdodlarimiz merosini o‘rganish targ‘ib qilish har birimizning muhim vazifamiz ekanligini alohida qayd etdilar.

---