“Amir Temur siymosi” kitobining taqdimoti bo‘lib o‘tdi.

---

Joriy yilning 16-aprel kuni Sharof Rashidov tumani axborot-kutubxona markazi xodimlari tumandagi Yoshlar kutubxonasida yurtimizda o‘tkazilayotgan Kitobxonlik haftaligi doirasida Amir Temur hayoti va faoliyatiga bag‘ishlangan “Amir Temur siymosi” kitobining taqdimoti bo‘lib o‘tdi.
Mazkur taqdimotda   kitobsevar yoshlar ishtirok etdilar. Taqdimot davomida buyuk sarkarda va davlat arbobi Amir Temurning boy merosi, uning adolatli boshqaruvi va jahon tarixidagi o‘rni haqida qiziqarli ma’ruzalar qilindi.
Shuningdek, kitob muallifi tomonidan asarning yaratilish jarayoni, unda yoritilgan tarixiy manbalar va yangi ilmiy qarashlar haqida batafsil ma’lumot berildi. Taqdimot ishtirokchilari kitobdan olgan taassurotlari bilan o‘rtoqlashib, o‘zlarini qiziqtirgan savollarga javob oldilar.

---