“Bobur – jasorat va ma’rifat timsoli” mavzusida davra suhbati o‘tkazildi.

---

Joriy yilning 13-fevral kuni kutubxona xodimlari tumandagi yoshlar kutubxonasida faol kitobxonlar ishtirokida Zahiriddin Muhammad Bobur tavalludi munosabati bilan “Bobur – jasorat va ma’rifat timsoli” mavzusida davra suhbati o‘tkazdi.
Suhbat davomida o‘quvchilarga Boburning ibratli hayoti, uning yoshligidan boshlab ko‘rsatgan matonati, ilm-fan va adabiyotga bo‘lgan muhabbati haqida batafsil ma’lumot berildi. Ayniqsa, uning mashhur asari — “Boburnoma” haqida alohida to‘xtalib o‘tildi. Ushbu asar nafaqat tarixiy manba, balki yuksak badiiy qiymatga ega bo‘lgan nodir meros ekani ta’kidlandi.
Davra suhbatida o‘quvchilar Bobur g‘azallaridan namunalar o‘qib berdilar, sahna ko‘rinishlari namoyish etdilar hamda savol-javoblar orqali o‘z bilimlarini mustahkamladilar.

---