Mashhur va muvaffaqiyatli insonlarning kambag‘allikka qarshi chorlovchi hikoyalari

---

O‘zbekiston Milliy kutubxonasi kitobxonlarni dunyoga mashhur va muvaffaqiyatli insonlarning kambag‘allikka qarshi chorlovchi hikoyalari va hikmatli so‘zlaridan tashkil topgan kitoblar bilan tanishtirishda davom etadi. Bugun ham sizni hayotning turli sohalarida muvaffaqiyatga erishgan odamlar tarixi va ularning shakllanishiga ta'sir qilgan kitoblar bilan tanishtiramiz. Ular bilan tanishar ekansiz, siz ular kabi o‘ylay va mulohaza yurita boshlaysiz, muvaffaqiyatli hayotlarining sirini bilib olasiz, orzularingiz amalga oshishi uchun kurashish va har qanday sharoitda ham maqsad sari ishonch bilan intilishga o‘rganasiz.

Robert T.Kiyosaki, Sharon L.Lechter “Yosh va boy holatda ishlashdan forig‘ bo‘lish”. 1-va 2-kitob

Ko‘pchilik kitobxonlarning e'tiborini tortgan "Boy Ota, kambag‘al Ota", "Pul oqimining kvadranti", "Boy bola, aqlli bola", "Sarmoyalashdagi boy Otamning boshqaruvi" kitoblarining mualliflari bu kitobda, agar umr bo‘yi qora ishchi bo‘lishga bel bog‘lamagan bo‘lsangiz, “nol'”dan boshlab ko‘pi bilan 10 yilga yetmagan muddatda qanday qilib moliyaviy mustaqillikka erishib moliyaviy xavfsizlikni ta'minlay olishingiz mumkinligi haqida so‘z yuritishadi. Bu kitob vaqt qadrini bilguvchi, hayotlari davomida to‘kin yashashni chin dildan istovchilar uchun.

Agar sizga “Sabrli bo‘ling”, “Uzoq muddatli sarmoya qiling” va “Sarmoya portfelingizni qappaytiring” degan maslahatlar joningizga tekkan bo‘lsa, u holda bu kitob siz uchun.