“O‘zbek tili — milliy qadriyatimiz” mavzusida ma’naviy-ma’rifiy tadbir tashkil etildi.

O‘ZBEK TILI — MILLIY QADRIYATIMIZ

  Sharof Rashidov tumani Ixtisoslashtirilgan maktabida 21-oktabr — O‘zbek tili bayrami kuni munosabati bilan Axborot-kutubxona markazi hamda Maktab va maktabgacha ta’limi, ma’naviyat va ma’rifiy markazi ishtirokida “O‘zbek tili — milliy qadriyatimiz” mavzusida ma’naviy-ma’rifiy tadbir tashkil etildi.

  Ona tilimizning boyligi va jozibasini keng targ‘ib etishga qaratilgan tadbir davomida o‘quvchilar tomonidan she’r va g‘azallar ifodali o‘qilib, turli badiiy chiqishlar namoyish etildi. Ularda o‘zbek tilining go‘zalligi, boy imkoniyatlari hamda xalqimiz ma’naviy hayotidagi beqiyos o‘rni aks ettirildi.

  Tadbir yakunida ta’lim-tarbiya jarayonida o‘rnak ko‘rsatib kelayotgan ona tili va adabiyot fani o‘qituvchilariga tuman hokimining esdalik sovg‘alari topshirildi.

  Ona tilimiz — milliy o‘zligimiz va ma’naviyatimiz ko‘zgusi!

10-21-2026

Yangiliklar Tadbirlar

4