"Qo‘lga tushmas qasoskor" nomli asari taqdimoti bo‘lib o‘tdi.

---

📚📚📚 Joriy yilning 15-iyun kuni Tuman Yoshlar kutubxonasida  faol kitobxonlar ishtirokida O‘zbekiston xalq yozuvchisi Xudoyberdi To‘xtaboyevning "Qo‘lga tushmas qasoskor" nomli asari taqdimoti bo‘lib o‘tdi.

Taqdimot davomida asarning mazmuni, qiziqarli voqealari hamda bosh qahramonlarning sarguzashtlari haqida atroflicha suhbat olib borildi. Kitobxonlar asarda aks etgan jasorat, topqirlik, do‘stlik va adolat kabi insoniy fazilatlar yuzasidan o‘z fikr-mulohazalarini bildirdilar.

Ayniqsa, asarning sarguzashtlarga boy voqealari yosh kitobxonlarda katta qiziqish uyg‘otdi. Ta’kidlanganidek, ushbu kitob nafaqat maroqli mutolaa uchun, balki yosh avlodni mardlik, halollik va ezgulikka undovchi tarbiyaviy ahamiyati bilan ham alohida e’tiborga loyiqdir.

---