“Rustamxon” dostoni kitob taqdimoti bo‘lib o‘tdi. 

---

 📚📚📚 Joriy yilning 16-iyun kuni Tuman Yoshlar kutubxonasida xalq og‘zaki ijodining nodir namunalaridan biri — “Rustamxon” dostoni kitob taqdimoti bo‘lib o‘tdi.

Suhbat davomida dostoning mazmun-mohiyati, undagi qahramonlar jasorati, vatanparvarlik, mardlik va adolat kabi yuksak insoniy fazilatlar keng yoritib berildi. Ishtirokchilar Rustamxon obrazining xalq og‘zaki ijodidagi o‘rni va asarda aks etgan ibratli voqealar yuzasidan o‘z fikr-mulohazalarini bildirdilar.

Ayniqsa, dostonning badiiy boyligi va xalqimizning qadimiy ma’naviy qadriyatlarini o‘zida mujassam etgani kitobxonlar e’tiborini tortdi. Yoshlar uchun ushbu asar mardlik, sadoqat va vatanparvarlik ruhini singdirishi bilan alohida ahamiyatga ega ekani ta’kidlandi.

Taqdimot samimiy va ko‘tarinki ruhda o‘tib, ishtirokchilarda katta taassurot qoldirdi hamda xalq og‘zaki ijodiga bo‘lgan qiziqishini oshirdi.

---