Sharof Rashidov tavalludining 109 yilligi munosabati bilan tantanali tadbir o'tkazildi.

📚📚Joriy yilning 6 - noyabr kuni Sharof Rashiidov tumanida atoqli davlat va jamoat arbobi, taniqli adib Sharof Rashidov tavalludining 109 yilligi munosabati bilan tantanali tadbir o'tkazildi.
   Tadbirda tuman hokimining birinchi o'rinbosari Ma’ruf Ergashev, keng jamoatchilik vakillari, mehnat faxriylari, nuroniylar hamda yoshlar ishtirok etdi.
   Tadbirda so'zga chiqqan Ma’ruf Ergashev Sharof Rashidovning yurt taraqqiyoti va xalq farovonligi yo'lidagi xizmatlari, davlat va jamoat arbobi sifatidagi faoliyati hamda adabiy merosi haqida gapirib o'tdi. Uning boy bilim va tajribasi, mehnatsevarligi, kamtarligi va yuksak insoniy fazilatlari xalqimiz xotirasida chuqur iz qoldirganini ta’kidladi.
     Mehnat faxriylari va nuroniylar ham so'zga chiqib, Sharof Rashidovning hayoti va faoliyati, xalqparvarlik fazilatlari hamda mamlakatimiz rivojiga qo'shgan hissasi haqida fikr bildirdi.
   Tadbir davomida Sharof Rashidov haykali poyiga gulchambar qo'yilib, uning xotirasiga hurmat va ehtirom ko'rsatildi.  

11-06-2026

Yangiliklar Tadbirlar

4