“Temuriylar davri – ilm va madaniyat yuksalishi” mavzusida davra suhbati tashkil etildi.

---

📚📚Joriy yilning 3-aprel kuni Sharof Rashidov tumani axborot-kutubxona markazi xodimlari tumandagi Yoshlar kutubxonasida kitobxonlar bilan birgalikda “Temuriylar davri – ilm va madaniyat yuksalishi” mavzusida davra suhbati tashkil etildi. Suhbat davomida Amir Temur tomonidan barpo etilgan Temuriylar davlatida ilm-fan madaniyat va bunyodkorlik ishlari yuksak darajada rivojlangani haqida so‘z yuritildi.
Suhbat jarayonida Temuriylar davrida Samarqand va Hirot shaharlari ilm va ma’rifat markaziga aylangani, olim va ijodkorlarga yaratilgan sharoitlar natijasida ilm-fan va san’at taraqqiy etgani ta’kidlandi. Ishtirokchilarga ushbu davrning tarixiy ahamiyati boy ma’naviy merosi hamda yosh avlod tarbiyasidagi o‘rni haqida batafsil ma’lumotlar berildi.
Davra suhbati qatnashchilarda milliy tariximiz va ajdodlarimiz merosiga bo‘lgan qiziqishni yanada oshirishga xizmat qildi.

---