Veb-sayt va “Slovo” almanaxi taqdimoti

---

2021-yil 26-noyabr kuni O‘zbekiston Milliy kutubxonasida www.slovo.nx.uz sayti va “Slovo” elektron almanaxi taqdimoti bo‘lib o‘tdi.

Taqdimotda yozuvchilar Nikolay Ilin, Munira Boboyarova, Bax Axmedov va boshqa yozuvchilar so‘zga chiqib, almanax jamoasi, nashrning mazmun-mohiyati, mualliflar va matnlar, vazifa va yo‘nalishlari bilan tanishtirdilar.

 

        O‘zbekiston Yozuvchilar uyushmasi Rus adabiyoti kengashining slovo.nx.uz sayti o‘n yildan buyon faoliyat yuritib, uni yozuvchilar Vladimir Vasilyev, Galina Vostokova, Aleksandr Svistunov, yozuvchi va vebmaster Anatoliy Naimushindan iborat tashabbuskor guruh tomonidan yaratilgan. Sayt Rossiya va MDH mamlakatlari, yaqin va uzoq xorij aholisi orasida juda mashhur.

      “Slovo” adabiy-badiiy jurnali O‘zbekiston Yozuvchilar uyushmasi tomonidan ta'sis etilgan rus tilidagi davriy, interaktiv onlayn nashr hisoblanadi. Jurnal sonlari uyushmaning rus adabiyoti bo‘yicha Kengash a'zolari, uzoq va yaqin xorijning eng yaxshi yozuvchilari, birinchi navbatda, o‘zbek ildizlariga ega bo‘lgan adiblarni jalb etgan holda yaratiladi. Nashrning maqsadi - mushtariylarni zamonaviy badiiy adabiyot bilan tanishtirish, estetik didni, ahloqiy tamoyillarni, yuksak ahloqiy fazilatlarni shakllantirish. Jurnalda turli janrga mansub asarlar berib boriladi: nazm, nasr, fantastika, sarguzasht, detektiv, ertaklar. Veb-sayt jurnalni chop etish va uni an'anaviy qog‘oz shaklida o‘qish imkonini beradi.

        Jurnal jamoasi O‘zbekiston Milliy kutubxonasiga yangi nashr etilgan kitoblaridan hadya etdi. O‘z o‘rnida O‘zbekiston Milliy kutubxonasi tadbir tashkilotchilariga “INFOLIB O’ZBEKISTON-2021” X Milliy axborot-kutubxona haftaligidagi faol ishtiroki uchun tashakkur izhor etdi va ularni tashkkurnoma bilan taqdirladi.