📚 KITOB O‘QISH SOATI — KO‘RIK-TANLOV

---

  Joriy yilning 28-avgust kuni  Sharof Rashidov tumani “Kelajak markazi” va Axborot-kutubxona markazi xodimlari o‘rtasida “Kitob o‘qish soati” ko‘rik-tanlovi tashkil etildi.
   Tanlovda to‘garak rahbarlari, maktab maslahatchilari hamda boshqaruv xodimlari ishtirok etdilar.
    Ishtirokchilar Cho‘lponning “Kecha va kunduz” hamda Jorj Oruellning “1984” asarlari yuzasidan o‘z bilimlarini sinovdan o‘tkazdilar. Tanlov davomida asarlarning mazmuni, qahramonlari, voqealar rivoji mazmuniga oid savollarga javob berildi.
   Shuningdek, ishtirokchilar o‘rtasida ochiq muzokara tashkil etilib, unda asarlar yuzasidan o‘z fikr va mulohazalarini erkin bayon qilish, qarashlarini asoslash imkoniyati yaratildi. 
   🏆 Tanlov ishtirokchilari hakamlar hay’ati tomonidan haqqoniy va xolis baholandi.Faol ishtirokchilar va g‘oliblar diplom hamda esdalik sovg‘alari bilan taqdirlandilar.

---